د بېجينګ د معيوبينو د اولمپيک لوبو مشال ليږدونکې چنګ يو

د بېجينګ د معيوبينو د اولمپيک لوبو د مشال ليږدونې فعاليت د اګيست په يو ديرشمه نېټه د چين د هو بې ولايت په وو هان ښار کې تر سره شو. مېرمن چنګ يو په دغه فعاليت کې يوه ليږدونکې وه. مېرمن چنګ يو د هو بې ولايت د ژونګ جون روغتون د ژونګ کانګ په نامه د مرکز مرستياله ده. چنګ يو د پنځلسو کلونو په عمر د يوې پېښې له امله ټپی شوه او له اتو کلونو وروسته د دې پښې پری شوې دي. په هغه وخت کې چنګ يو ډيره خواشنی وه او ډيره خوا بدې وه. چنګ يو وويل چې هغه د معيوبينو په اولمپيک لوبو کې د ګډون له لارې خپله ټينګه اراده بيا جوړه کړه. دې وويل : (( ريښتيا دا ده چې د معيوبينو په اولمپيک لوبو کې مې ډير معيوبين وليدل چې په کې د ډيرو زياتو وګړيو د معيوبيت حالت زما په پرتله لا سخت دی. نو د دغو معيوبينو روحيې له ما سره ډيره مرسته کړې ده. زه په خپل ځان زيات باور لرم.

چنګ يو د چين د معيوبينو په اولمپيک لوبو کې د لومړی ځل ګډون کوونکې لوبغاړې په توګه د چين د پينګ پانګ لوبو له مشهورې روزونکې فنګ من يا څخه زده کړه وکړه. مېرمن چنګ يو په ١٩٨٨ کال کې د سؤل د معيوبينو په اولمپيک لوبو کې ګډون درلود او له ملګرو سره يې د پينګ پانګ لوبو په سځينه ډله ايزو سياليو کې يې د سرو زرو مډال تر لاسه کړ. تر اوسه پوره چنګ يو په وو هان ښار کې يوازنی لوبغاړې ده چې د معيوبينو په اولمپيک لوبو کې د سرو زرو مډال تر لاسه کړ.

مېرمن چنګ يو په تېرو شلو کلونو کې څو څو ځله په نړيوالو سياليو کې مډالونه تر لاسه کړي دي. دغه راز هغه د چين او د هو بې ولايت په سياليو کې د سرو زرو مډالونه تر لاسه کړي دي. مېرمن چنګ يو د خپلو کوښښونو له لارې ډير زيات وياړونه تر لاسه کړي دي. خو هغې د عمر د لوړوالي او ناروغۍ له امله د لوبغاړي په توګه خپلې سپورتي چارې پای ته رسولې دي. خو لا يې هم د ټلويزيون له لارې د بېجينګ د معيوبينو د اولمپيک لوبې کتلی دی. هغه هيله لري چې په راتلونکی کې به لا زيات معيوبين په بېلابېلو لوبو کې ګډون وکړي.