د شينهوا خبري اژانس د خبر له مخې، د برازيل د ولسمشر مرستيال موران د نومبر په ۲۶ مه نېټه وويل، چې چين د برازيل د دواملرونکي اقتصادي پرمختګ په لاره کې دايمي او مهم همکار دی.
د برازيل او چين د غوره سوداګرو ټولنې د چين په اړه د برازيل د اوږدې مودې ستراتېژۍ بنسټ په نوم د رپوټ خپرولو مراسم ترسره کړل او د برازيل مرستيال ولسمشر موران هم پکې ګډون کړی و.
نوموړي وويل، چې چين له هغو کمو هېوادونو څخه دی، چې شين اقتصاد ته د پرمختګ ورکولو توان او تخنيکي سرچينې لري او د دغه هيواد د شين اقتصاد د پرمختګ ستراتېژي برازيل ته هم د پرمختګ ډېر فرصتونه رسولي دي.
نوموړي زياته کړه، که څه هم برازيل غني سرچينې لري، خو له سرچينو څخه د مناسب کار اخيستلو په برخه کې لا هم نيمګړتياوې لري، برازيل او چين کولی شي چې د توليدي ځنځير د بيا جوړولو او د زراعتي سوداګرۍ په برخه کې د ډيجټلي تخنيکونو د کارولو په برخه کې خپلمنځي همکارۍ پياوړې کړي.
موران د خبرو په پای کې وويل، چې له ۲۰۰۹ کال راهيسې چين د برازيل تر ټولو مهم سوداګريز همکار پاتې شوی دی. کوويد-۱۹ وبا ټوله نړۍ له لويو ننګونو سره مخ کړې ده، خو د دواړو هېوادونو ترمنځ سوداګري زياته شوې، چين ته د برازيل د صادراتو ارزښت لوړ شوی او نوی ريکارډ يې جوړ کړی دی. د برازيل حکومت به د تګلارو د جوړولو په برخه کې چين ته لومړيتوب ورکړي.