د سين هوا اژانس د خبر له مخې، د ایران د اټومي تړون ښکېلې غاړو د جون پر شلمه نېټه د اطریش په پلازمینه ویانا کې د خبرو شپږم پړاو پای ته ورساوه. په دغه غونډه کي د اروپايي ټولنې استازي انريک مورا تر مجلس وروسته وویل چې خبرې "یوې موافقې ته نږدې دي."
د ایران اټومي تړون (د مشترک اقدام جامع پلان) د ارتباطاتو کمېټې د سیاسي برخي د عمومي ریاست غونډه په هم دې ورځ ماسپښین په ویانا هوټل کې جوړه شوه چي د اروپایي ټولنې د بهرنيو عملياتو پروګرام مرستيال منشي انريک مورا يې مشري کوله. د چین، فرانسې، جرمني، روسیې، بريتانيا او ایران استازو په دې غونډه کې برخه اخیستې وه.
مورا له غونډې وروسته رسنیو ته وویل: "موږ یوې هوکړې ته نژدې یو، خو موخې ته نه یو رسیدلي."
(ليلا)