په افغانستان کې د واورو د څو ځلو ښوئېدو له امله لږ تر لږه ٥٠ تنه ووژل شول

د چين د نړيوالې راډيو د خبر له مخې: د فبرورۍ تر ٩ نېټې پورې د افغانستان د شمال پروان ولايت د سالنګ په لويه لاره کې د واورو د څو ځلو ښوئېدو له امله ٥٠ تنه وژل او څه د پاسه ٧٠ تنه نور ټپيان شوي دي.

د خبر له مخې، د افغانستان دفاعي ځواکونه په سالنګ کې د ژغورنې کارونه تر سره کوي، تر اوسه پورې څه د پاسه يو زر ٥ سوه تنه مصيبت ځپلو وګړي امنيتي سيمو ته لېږدول شوي دي.

د سالنګ لويه لاره د کابل او د افغانستان د شمالي سيمې ترمنځ مهمه ټرافيکی لار ده او په دغه سيمه کې څو ځله له غرونو څخه خاورې او واورې ښوئېدلې وې.

ژباړونکې: ليلا