په چين کې د کليوالو کارګرانو عمومي شمېر له دوه سوه او شپېته مليونه تنو نه زيات شو.

د سينهوا اژانس د خبر له مخې، د چين د احصايي ادارې د تازه شمېرنې سره سم، په ٢٠١٢ کال کې د چين د کليوالو کارګرانو عمومي شمېر دوه سوه او دوه شپيته مليونه او شپږ سوه او لس زره تنو ته رسېده چې دغه شمېره د وړم کال په پرتله درې اعشاريه نهه سلنه زياته شوې ده.

د دغه راپور سره سم، په ٢٠١٢ کال کې په کليوالو سيمو کې د اوسيدونکو سوچه ګټې د وړم کال په پرتله ديارلس اعشاريه پنځه سلنه زياتې شوې او په ښارونو کې د اوسيدونکو عايدات د وړم کال په پرتله دوولس اعشاريه شپږ سلنه زيات شوي دي.

د دغه ادارې د مرستيال شي هونګ ګوانګ په اند، که څه هم د چين د اقتصاد د زياتوالي سرعت د پخوا په پرتله ورو شوی، خو کاري حالت يې ارام دی. (غوټۍ)