د چين د ملي ولسي کانګرس کلنۍ غونډه به د مارچ په ٥ نېټه پرانيستل شي

د چين د ملي ولسي کانګرس کلنۍ غونډه به د مارچ د ٥ نېټې په سهار مهال پرانيستل شي. په دغه غونډه کې به د ملي ارګانونو نوي مشران وټاکل شي، نو د چين لپاره ستر اهميت لري.

د مارچ د ٥ نېټې سهار په ٩ بجو به د چين نړيواله راډيو د چيني، انګليسي او جاپاني ژبو په ګډون د يو لړ ژبو له لارې په مستقيمه توګه دغې غونډې په هکله خپرې رپورټونه وړاندې شي.

بر سېره پر دې، د چين د نړيوالې راډيو ويبپاڼه به هم د چيني او انګليسي په ګډون يو شمېر ژبو له لارې نوموړې غونډې جريان په ژوندۍ توګه خپور کړي.

(ليلا)