د چين د مطبوعاتي اژانس دخبر له مخې د روانې مياشتې په ١٤ او ١٥ نيټه شي جين پينګ او لي که چيانګ په جلا جلا توګه د چين د دولت رئيس او صدراعظم په توګه وټاکل شول. نړېوالې خبري رسنۍ دې ته ډيرې پاملرنې ورکوي او ويی ويل چې د چين نوی مشرتابه به د اقتصاد چټک پرمختګ د ساتلو او د ښارونو او کليوالو سيمو ترمنځ واټن کمولو په ګډون له ځينو ننګونو سره مخامخ وي.
د روانې مياشتې په ١٥ نېټه د امريکا د نيويارک ټايمز ورځپاڼې په يوه ليکنه کې وويل چې شي جين پينګ ډير مهرباني ښکاري او هيله لري چې حکومت به نورهم اغېزمن،سپيڅلی او مهربان وي.
د امريکا د وال ستريټ ورځپاڼې وويل چې لي که چيانګ چې د ون جيا باو پر ځای به د چين اقتصادي او کورنيو چارو اداره وکړي، د خپلو کوششونو په اتکا د پوهتون زده کړې وکړې او له ١٩٤٩ کال راهيسي د چين لومړی صدراعظم دی چې د لويديزو هېوادونو قانوني او سياسي تيوري يی زده کړې کړې دي.
_زلمی
© China Radio International.CRI. All Rights Reserved. 16A Shijingshan Road, Beijing, China. 100040 |