په کابل کې د هوايي ډګر په شاوخوا سيمه کې يو بهرنی عسکر ووژل شو

د سين هوا اژانس د خبر له مخې:په افغانستان کې د نړيوالو امنيتي ځواکونو د اګست په ٢٠مه نېټه د يوې اعلاميې په خپرولو سره وويل چې يو عسکر په همدې ورځ د کابل په ختيځ کې د بريد له امله ووژل شو.

د خبري رسنيو د خبر له مخې،نامعلومو وسله والو د همدې ورځې په سهار د کابل د هوايي ډګر په شاوخوا سيمه کې د چړې له لارې پر يو بهرني عسکر بريد وکړ او بيا د پېښې له ځای څخه وتښتېدل.

د عيني شاهدانو په قول وژل شوی عسکر د ناټو په پوځي موټر کې و او ښايي په افغانستان کې د ناټو ميشت عسکر وي.

تر اوسه پورې هېچا يا هېڅ ډلې د دې پېښې پړه پر غاړه نده اخيستې.

(ليلا)