د ليبيا د بنغازي په ښار کې د شخړو له امله لس تنه ووژل شول

د چين نړيوالې راډيو د خبر له مخې،د ليبيا د ځانګړي ځواک وياند د سپتمبر په لومړۍ نېټه د دې خبر پخلی وکړ چې په همدې ورځ د بنغازي په ښار کې د ياد ځواک او مليشه عسکرو تر منځ نښته رامنځته شوه چې له امله يې د ياد ځواک لس تنه ووژل شول.

دغه وياند خبري رسنيو ته وويل،چې د انصار الشريعه په نوم افراطي ډلې په همدې ورځ د بنغازي ښار د بينينا هوايي ډګر د نيولو لپاره پر ځانګړي ځواک بريد وکړ.ځانګړي ځواک د ليبيا د هوايي ځواک په مرسته مليشه عسکرو بريد ته ماتې ورکړه. (شکريه)