 |
||
 |
||
 |
||
|
||
|
||
|
||
|
||
|
د سين هوا اژانس د خبر له مخې، د ٢٠٢٢ کال د ژمنيو اولمپيک لوبو د کوربتوب حق د غوښتلو په اړه د بېجينګ پلاوی چې د چين د صدراعظم مرستياله ليو يان دونګ په مشری دی، د اګست په دوهمه نېټه بيرته بېجينګ ته راستون شو او تود هر کلی يې وشو.
مېرمن ليو يان دونګ په هوايي ډګر کې وويل زموږ پلاوي په برياليتوب سره د کمونيست ګوند، دولت او خلکو لخوا ورکړل شوې دنده ترسره کړه. د چين د دولت رئيس شي جين پينګ موږ ته د مبارکۍ پيغام راکړ او پکې يې د ژمنيو اولمپيک لوبو د کوربتوب حق د تر لاسه کولو په اړه مبارکی وويله او په ښه توګه د دغو لوبو د ترسره کولو په اړه يې هيله وښودله.
د بېجينګ د ګوندي کمېټې رئيس ګوه جين لونګ په هوايي ډګر کې د ياد پلاوی تود هر کلی وکړ او له ټولو هغو ملګرو څخه يې مننه څرګنده کړه چې د دغو ژمنيو اولمپيک لوبو د کوربتوب حق له غوښتونکي دفتر څخه يې ملاتړ کړی و.
د اولمپيک نړيوالې ټولنې د جولای په يودېرشمه نېټه د ماليزيا په کوالامپور کې اعلان وکړ چې بېجينګ د ٢٠٢٢ کال د ژمنيو اولمپيک لوبو کوربتوب حق تر لاسه کړ. (هيله)
| © China Radio International.CRI. All Rights Reserved. 16A Shijingshan Road, Beijing, China. 100040 |
