CRI Online

يو لړ سپورتي خبرونه

cri     (GMT+08:00) 2015-10-20 16:38:57
افغانستان په دوهمه نړیواله پنڅوس اوریزه لوبه کې له زمبابوې څخه د تیرې لوبې غچ واخیست

د افغانستان کرکټ ملي لوبډلې په دویمه نړیواله لوبه کې کوربه زمبابوې لوبډلې ته د ۵۸ منډو په توپیر ستره ماتې ورکړه.

د لوبې پچه افغان لوبډلمشر اصغر ستانکزي وګټله او خپله یی د توپوهنې پریکړه وکړه چی په ټاکلو پنڅوس اورونو کې یی د ۶ لوبغاړو په سوځیدو سره ۲۷۱ منډې جوړې کړې او سیالې لوبدلې ته یی د ۲۷۲ منډو هدف ورکړ.

د افغانستان له لوري په توپوهنه کې محمد نبي عیسی خیل ۱۱۶، نورعلي ځدران ۶۰ او لوبډلمشر اصغر ستانکزي ۳۹ منډې جوړې کړې.

د پانۍ له لنډې دمې ورسته زمبابوې توپوهونکو لوبه پیل کړه چی په ۴۶،۴ اورونو کې یی د تولو لس لوبغاړو په سوځیدو سره ۲۱۳ منډې جوړې کړې او هدف ته یی ځان ونشوه رسولای.

په توپ اچونه کې د افغانستان له لوري دولت ځدران، سمیع الله شینواري او افتاب عالم دوه دوه، محمد نبي، امیرحمزه هوتک او راشید ارمان یو یو لوبغاړی وسوځاوه.

محمد نبي عیسی خیل چی د لوبې غوره لوبغاړی اعلان شو د خبري ناستې پرمهال یی د روزنکي انضمام الحق او لوبډلمشر اصغر ستانکزي څخه مننه وکړه چی نوموړی یی په دریم نمبر توپوهنې ته واستاوه او همدا ډول د لوبې بریا راز یی د ټولو لوبغاړو هڅه او د روزنکي ښه پلان اعلان وښود.

د افغانستان کرکټ بورډ عمومي ریس ښاغلي نسیم الله دانش د زمبابوې پروړاندې د بریا لامل د ټولو لوبغاړو هڅه په ګوتو کړه او همدا ډول زیاته یی کړه چی افغان لوبډله به په راتلونکو لوبو کې هم د بریا زیري ولري.

نسیم الله دانش په هیوادوالو غږ وکړ چی د خپلو ملي لوبغاړو سره په هر حال کې باید یو ځای پاتې شي.

همداراز د کرکټ بورډ اجراییوي ریس ښاغلي شفیق الله ستانکزي دا بریا د ټولو افغانان لپاره د خوښۍ زیری وباله، نوموړي ډاډ ورکړ چی لوبډله هره ورځ په بیلابیلو برخو کار کوي ترڅو پدغه سیریز کې لا نورې بریاوې ترلاسه کړي.

شفیق الله ستانکزي په لوبډله کې د راشید ارمان لوبول د نورو ځونانو د راتلونکې لپاره د ښو هیلو نښه وښوده.

د یادولو ده چی افغان ملي لوبډله به راتلونکې لوبه د زمبابوې د ملي لوبډلې پروړاندې په همدې کوینس لوبغالي کې د روان کال د اکتوبر میاشتې په ۲۰ نیټه پیل کړي

د هند او پاکستان تر منځ د کرېکټ خبرې لغوه شوېره نه کړي

د ښي اړخه هندو سخت دریځه ګوند شیو سینا له لوري له احتجاج وروسته د هند ممبۍ ښار کې د هند او پاکستان کرېکټ بورډ د مشرانو تر منځ خبرې اترې لغوه شوې.

د دوشنبې په ورځ د خبرو له پیله مخکې د شیوسیناګوند لسګونه فعالان د هند کرېکټ بورډ دفتر ودانۍ ته ننوتل.

شیوسینا ګوند پر پاکستان تور پورې کوي، چې هند کې د وسله والو بریدونو تر شا دی او ورسره د هر راز اړیکو مخالفت کوي.

د روانې میاشتې په پيل کې دغه ګوند یو پاکستانی سندرغاړی غلام علي اړ کړ، چې په ممبۍ کې د موسیقۍ کنسرت ترسره نه کړي.

تېره اونۍ هم د دغه ګوند فعالانو د هند یوه فکري مرکز پر مشر له دې کبله تور رنګ وشینده، چې هغه د بهرنیو چارو د یوه پخواني پاکستان وزیر کتاب مخکتنې ته وړاندې کاوه.

د ګوند فعالان وايي، پر سدهیندرا کلکرني د تور رنګ شیندل د پاکستان خلاف د (سوله ییز) احتجاج یو ډول دی.

خو ښاغلي کلکرني دغه پېښه پر (دېموکراسي برید) بللی دی.

د دوشنبې په ګهیځ د شیوسینا فعالان چې شیوسینیک هم بلل کېږي، د ممبۍ په وانکهیډې لوبغالي کې د هند کرېکټ کنترول بورډ یا (بي سي سي ای) دفتر ته په زور ننوتل، چې د دغه بورډ مشر شاشنک منوهر به په کې د پاکستان کرېکټ بورډ له مشر شهریارخان سره لیدل.

د دواړ کرېکټ بورډ مشرانو تر منځ د روان کال دسمبر میاشت کې د دواړو لوبډلو تر منځ د کرېکټ لوبو د لړۍ پر سر خبرې کېدې.

ځايي پولیس وايي یو شمېر احتجاج کونکي نیول شوي دي.

ځینې رپوټونو کې اوس ویل شوي، چې د کرېکټ بورډ مشرانو تر منځ به اوس ډيلي کې د سې شنبې په ورځ خبرې کېږي، خو دغه رپوټونه په رسمي توګه تایید شوي نه دي.

د هند غوره لیګ ( ای پي ایل ) مشر راجیو شوکلا او د بي سي سي ای یوه لوړ پوړې چارواکي دغه برید غندلی دی.

اړوندې ليکنې
د مېلمنو ليکنځای