CRI Online

يو لړ سپورتي خبرونه

cri     (GMT+08:00) 2015-11-13 17:28:30
نيويارک کې د 'آل سټارز' لومړنۍ ۲۰ اووريزه کرېکټ لوبه

ن او اندريو سايمنډز درې، درې لوبغاړي وسوځول

په نيویارک کې ډ آل سټارز په نوم د دريو ۲۰ اووريزو کرېکټ سياليو په لومړۍ لوبه کې د وارن واريیرز لوبډلې سچن بلاسټرز لوبډلې ته په شپږو وېکټو ماتې ورکړه.

په دې توګه د وارن وارييرز لوبډله د دريو لوبو په دغه لړۍ کې يو صفر مخکې شوه.

وارن وارييرز لوبډلې وکړای شو په اسانۍ د ۱۴۱ منډو هدف ته ورسېږي.

د وارن وارييرز لوبډلې مشري د استراليا د پخواني سوکه توپ اچوونکي شېن وارن پر غاړه ده او د سچن بلاسټر لوبډلې مشري د هند وتلی توپوهونکی سچن ټنډولکر کوي.

په دواړو لوبډلو کې د کرېکټ پخوانۍ وتلې څېرې راغونډې شوي چې اوس يې له کرېکټ لاس اخيستی دی.

د دغو لوبو هدف دا دی چې کرېکټ لوبه د امريکا په لويه وچه کې هم معرفي شي.

د وارن وارييرز لوبډلې دغه هدف د څلورو لوبغاړو په سوځېدو په ۱۷،۲ اوورونو کې بشپړ کړ.

د وارن وارييرز لوبډلې له لوري رکي پونټينګ د ۳ شپږيزو او ۳ څلوريزو پر مټ ۴۸ منډې وکړې او سنګاکارا د ۳ شپږيزو او ۲ څلوريزو پر مټ ۴۱ منډې وکړې.

د سچن بلاسټرز له لوري د سريلانکا ورو توپ اچوونکي مرلي دهرن يو لوبغاړی او د پاکستان پخواني تيز توپ اچوونکي شعيب اختر دوه لوبغاړي وسوځول.

تر دې وړاندې لومړی لوبه سچن بلاسټرز وکړه او په ټاکلو ۲۰ اوورونو کې يې د اتو لوبغاړو په سوځېدو ۱۴۰ منډې وکړې.

د سچن بلاسټرز له لوري ورېندر سهواګ د ۶ شپږيزو او ۲ څلوريزو پر مټ ۵۵ منډې او لوبډلمشر سچن ټنډولکر د ۲ څلوريزو او يوې شپږيزې پر مټ ۲۶ منډې وکړې.

د وارن وارييرز لوبډلې له لوري د استراليا وتلي ورو توپ اچوونکي او لوبډلمشر شېن وارن او اندريو سايمنډز درې، درې لوبغاړي وسوځول.

د وارن وارييرز لوبډلې لوبغاړي او د پاکستان وتلي تېز توپ اچوونکي وسيم اکرم و نه توانېد چې کوم لوبغاړی وسوځوي.

د وارن وارييرز لوبډلمشر شين وارن د لوبې غوره لوبغاړی وټاکل شو.

د دغو دريو ۲۰ اووريزو سياليو دوه نورې لوبې به په راتلونکې کې د همدې دوو لوبډلو ترمنځ وشي

استراليا له نوي زيلاند نه لومړۍ ټيسټ لوبه وګټله

تراليا خپله لومړنۍ پاړۍ کې د څلورو لوبغاړو په سوځېدو ۵۵۶ منډې وکړې او لوبه يې ختمه اعلان کړه

د اسټراليا لوبډلې د دريو ټيسټ کرېکټ لوبو په لومړۍ لوبه کې نوي زيلاند ته په پنځمه ورځ په ۲۰۸ منډو ماتې ورکړه او په دغه لړۍ کې ۱-۰ مخکې شوه.

استرالیا نوي زيلاند ته د دغې لوبې ګټلو لپاره د ۵۰۴ منډو هدف ورکړی و، خو ټوله لوبډله يې په ۲۹۵ منډو وسوځېده.

د لوبې په دويمه پاړۍ کې نيتن ليون درې، ميچل سټارک، هزل ووډ او ميچل مارش دوه دوه لوبغاړي وسوځول.

تر دې وړاندې استراليا خپله دويمه پاړۍ په ۲۶۴ منډو ختمه اعلان کړه.

استراليا په لومړۍ پاړۍ کې تر نوي زيلاند ۲۳۹ منډې مخکې و، نو په دې حساب استراليا نوي زيلاند ته د ۵۰۳ منډو هدف وټاکه.

د استراليا له لوري په دويمه پاړۍ کې جو برنز د ۱۳ څلوريزو او ۴ شپږيزو پر مټ ۱۲۹ او ډېوېډ وارنر د ۸ څلوريزو او دوو شپږيزو پر مټ ۱۱۶ منډې وکړې.

د نوي زيلاند له لوري په دويمه پاړۍ کې مارک ګرېګ درې استراليايي لوبغاړي وسوځول او ټرينټ بولټ يو لوبغاړی وسوځاوه.

استراليا خپله لومړنۍ پاړۍ کې د څلورو لوبغاړو په سوځېدو ۵۵۶ منډې وکړې او لوبه يې ختمه اعلان کړه.

نوي زيلاند په خپله لومړنۍ پاړۍ کې ۳۱۷ منډې وکړې.

د دغې لوبې پچه استراليا وګټله او پخپله يې د بېټنګ کولو پرېکړه وکړه.

د اسټراليا ډېوېډ وارنر د لوبې غوره لوبغاړی وټاکل شو.

اړوندې ليکنې
د مېلمنو ليکنځای