د سينهوا اژانس د خبر له مخې، د افغانستان پوليسو د سپتمبر په نولسمه نېټه وويل، د سپتمبر د اتلسمې نېټې په شپه، امريکايي ځواکونو د اورزګان ولايت په هوايي عملياتو کې د پوليسو يوه پوسته په نښه کړې چې له امله يې اته پوليس وژل شوي دي.
د ځايي پوليسو يو مشر د سينهوا اژانس خبريال ته وويل، دغه پوسته د اورزګان ولايت د ترينکوټ ښار په شاوخوا سيمه کې پرته ده. د دې پوستې په نژدې سيمه کې د طالبانو سنګرونه هم شته، خو دغه پوسته د هوايي بريد موخه ګرځېدلې. د دې ولايت يوه پارلماني غړي د افغانستان ټايمز ورځپاڼې ته ويلي، امريکا په همدې شپې د دوو ځلو لپاره پر دې پوستې هوايي بريدونه وکړل او په دوهم بريد کې يې لږ تر لږه اته تنه پوليس وژلي. (شکريه)
