جانګ ګاو لي د تيان جين ښار پلاوي په بحث کې ګډون وکړ

د سينهوا اژانس د خبر له مخې، د چين د صدراعظم مرستيال جانګ ګاو لي د شپږمې نېټې په سهار د تيان جين ښار پلاوي په بحث کې ګډون کړ او د دې پلاوي له غړو سره يو ځای د حکومت د کاري راپور ارزونه وکړه.

جانګ ګاو لي هيله وښوده ، چې تيان جين ښار په ژوره توګه د رئيس شي جين پينګ د يو لړ مهمو ويناوو زده کړه وکړي او په ښه توګه د تيان جين د کارونو په اړه د هغه غوښتنې پلې کړي.(زرينه)