د امريکا د بهرنيو چارو وزير به له چين څخه ليدنه وکړي

د سين هوا اژانس د خبر له مخې،د چين د بهرنيو چارو وزارت وياندې هوا چون اينګ د مارچ په ١٥مه نېټه اعلان وکړ چې د چين د بهرنيو چارو د وزير وانګ يي په بلنه به د امريکا د بهرنيو چارو وزير رېکس تيلرسون د روانې مياشتې له ١٨مې نېټې څخه تر ١٩مې نېټې پورې له چين څخه ليدنه وکړي.چين او امريکا به د دواړو هېوادونو ترمنځ د اړيکو او د ګډې پاملرنې وړ نړيوالو او سيمه ييزو مسئلو په اړه د نظريو تبادله وکړي.