له اروپايي ټولنې څخه د بريتانيا د وتلو اجنډا به د روانې مياشتې په پای کې پيل شي

د سينهوا اژانس د خبر له مخې، د بريتانيا د حکومت وياند د مارچ په ٢٠مه نېټه خبري رسنيو ته وويل، چې لومړۍ وزيره ټريسا مې به د روانې مياشتې په ٢٩مه نېټه د ريسبون تړون د ٥٠مې مادې او له اروپايي ټولنې څخه د وتلو اجنډا د پيل اعلان وکړي.

نوموړي وياند وويل، چې ټريسا مې به د پيغام په ليږلو سره د اروپايي ټولنې نورو ٢٧ غړو هېوادونو ته د بريتانيا د يادې پريکړې خبر ورکړي او له اروپايي ټولنې سره د خبرو اترو د ژر پيل هيله به څرګنده کړي. د وياند په قول، په اروپايي ټولنه کې د بريتانيا سفير په همدې ورځ اروپايي شورا ته دغه پريکړه وړاندې کړې ده.

د اروپايي ټولنې د قانون سره سم، که د ريسبون تړون ٥٠ مه ماده او له اروپايي ټولنې څخه د وتلو اجنډا پيل شي، بريتانيا بايد د ٢٠١٩ کال په پيل کې د اروپايي ټولنې له نورو ٢٧ غړو هېوادونو سره خبرې اترې بشپړې کړي، که د خبرو اترو اوږدوالی وغواړي، بايد د ټولو غړو هېوادونو موافقه تر لاسه کړي.

(ياسمين)