د امريکاپوځ په بريد کې لسو سوري پوځيانو ته مرګژوبله اوښتې

ااژانس د خبر له مخې: د سوريې د حمس ايالت مشر دفتر د اپريل په ٧مه نېټه د دې خبر پخلی وکړ چې امريکا د همدې ورځې په سهار پر سوري پوځ بريد وکړ چې له امله يې د سوريې پنځه سرتيري وژل شوي او ٦تنه نور ټپيان شوي دي.

د حمس ايالت مشر تالال بارازي وويل د امريکا د پوځي بريد له امله هغه پوځي اډه په مکمله توګه ويجاړه شوې چې د حمس په ختيځ کې يې د داعش په مقابل کې حکومتي پوځ ته مهم ملاتړ تر سره کاوه.

د امريکا د دفاع وزارت د يوې اعلاميې په خپرولو سره ويلي د مديتراني سمندر په ختيځ کې د امريکايي پوځ دوو بيړيو په حمس کې د شايرات پر پوځي هوايي ډګر ٥٩ ګرځيدونکی توغندی توغولي دي. اعلاميه وايي چې د سوريې پوځ مخکې له دغه هوايي ډګر څخه د کيمياوي وسلو له لارې يو بريد تر سره کړ او د امريکايي پوځ موخه له دغه بريد څخه د سوريې حکومت لخوا د کيمياوي وسلو د بيا استفادې مخنيوي و.

ژباړونکې:ډيوه