روسيه او امريکا به د يوه کاري ټيم د جوړولو له لارې د دواړو خواوو تر منځ اړيکې ټينګې کړي

د سينهوا اژانس د خبر له مخې، د امريکا د بهرنيو جارو وزير ريکس ټيليرسون د اپرېل په دوولسمه نېټه د روسيې د بهرنيو چارو له وزير سيرګي لافروف او ولسمشر ولاډيمير پوټين سره وکتل، دوي پرېکړه وکړه چې د دواړو خواوو تر منځ د پرابلمونو د لېرې کولو او د روسيې او امريکا تر منځ د اړيکو د ثابتولو لپاره يو کاري ټيم جوړ کړي.

ټيليرسون له کتنو وروسته په يوه مطبوعاتي غونډه کې وويل، اوس د امريکا او روسيې تر منځ اړيکې او اعتماد ښه نه دي. دواړه خواوې دې د خپلمنځي اړيکو د لا شديدېدو د مخنيوي او د متقابل اعتماد د بيا رغونې لپاره تدبيرونه ونيسي.

برسيره پر دې، دوي د اوکراين حالاتو، انټرنيټي امنيت او د منځني ختيځ د حالاتو په اړه هم خبرې اترې وکړې.