CRI Online

يو لړ سپورتي خبرونه

cri     (GMT+08:00) 2017-05-26 15:35:48
ممبيي انډینز د ای‌پي‌ایل اتلولي وګټله

ممبیي انډینز لوبډلې د هندوستان د کریکټ د غوره لیګ په پایلوبه کې رایزینګ پوني سوپرجاینټ، لوبډلې ته په یوه منډه ماتې ور کړه او د دغو سیالیو اتلولي یې وګټله.

دا درېیم ځل دی چې د ممبیي انډینز لوبډله په پرلپسې ډول د ای‌پي‌ایل سیالیو اتلولي ګټي.

ممبیي انډینز د هندوستان د غوره لیک لومړۍ اتلولي په ۲۰۱۳ کال او دویمه یې بیا په ۲۰۱۵ کال تر لاسه کړې وه.

د تېرې شپې په لوبه کې چې له خورا شور او ځوک ډکه وه، لومړۍ توپوهنه د رایزینګ پوني سوپرجاینټ لوبډلې وکړه چې په شلو اورونو کې یې د شپږو لوبغاړو په سوځېدو سیالې لوبډلې ته د ۱۲۹ منډو هدف ور کړ.

د رایزینگ سوپر جاینټ لوبډلې لپاره تر ټولو ډېرې منډې سمیت وکړې چې په ۴۴ بالونو یې ۵۱ منډې تر لاسه کړې. ریهاني هم د ۳۸ توپونه مخه وکړه چې ۴۴ منډې یې پرې جوړې کړې.

د ممبیي انډینز لوبډلې په ډېرې سختۍ وکولای شول د شلم اور په شپږم توپ یاد هدف پوره او د درېیم ځل لپاره د دغو سیالیو اتلولي وګټي.

د ممبيي اندينز لوبډلې لپاره پانډیا په ۳۸ توپونه ۴۷ مندې تر لاسه کړې او دویمې ډېرې مندې بیا شرما تر لاسه کړې.

نوموړي د ۲۴ توپونه مخه وکړه او ټولټال یې پرې یې ۲۴ منډې جوړې کړې.

د ۲۰۱۷ کال په ای‌پي‌ايل سیالیو کې د لوبډلو ځایځایګی

لوبډلې لوبې ګټلې بایللې مساوي پواینټونه NRR

ممبيي انډینز ۱۴ ۱۰ ۴ ۰ ۲۰ +۰٫۸۴

رایزینګ پوني سوپرجاینټ ۱۴ ۹ ۵ ۰ ۱۸ +۰٫۱۷۶

سنرایزرز حیدراباد ۱۴ ۸ ۵ ۰ ۱۷ +۰٫۵۹۹

کلکته نایټ رایډرز ۱۴ ۸ ۶ ۰ ۱۶ +۰٫۶۴۱

کینګز ۱۱ پنجاب ۱۴ ۷ ۷ ۰ ۱۴ ـ ۰٫۰۰۹

دیلي ډرېډیویلز ۱۴ ۶ ۸ ۰ ۱۲ ـ ۰٬۵۱۲

ګوجرات لاینز ۱۴ ۴ ۱۰ ۰ ۸ ـ۰٫۴۱۲

رویال چلینرز بنګلور ۱۴ ۳ ۱۰ ۰ ۷ ـ ۱٫۲۹۹

د هندوستان د کریکټ د غوره لیګ په سږنیو سیالیو کې ټولټال اته لوبډلې برخه والې وې چې ممبیي انډینز یې لومړی، رایزینګ پوني سوپرجاینټ یې دویم، سنرایزرز حیدراباد پکې درېیم او کلکته نایټ رایډرز لوبډلې پکې څلورم ځایونه خپل کړي دي.

د ۲۰۱۷ کال په ای‌پي‌ایل سیالیو کې د لومړي ځل لپاره دوه افغان لوبغاړو هم برخه اخیستې وه.

یاد افغان لوبغاړي سنرایزرز حیدراباد لوبډلې پېرلي و چې لوبډلې یې ددغو سیالیو پایلوبې ته لار ونه مونده.

ویسټ انډيز لوبډلې له افغانستان سره د لوبغاړو نوملړ اعلان کړ

د ویسټ انډيز او افغانستان لوبدلې وروستی ځل د ۲۰۱۶ کال د شل اوریزو سیالیو په نړیوال جام کې سره مخامخ شوې

وروسته له هغه چې په لندن او ویلز کې د جمپینز ټراپي په سیالیو کې ویسټ انډيز لوبډله غوره نه شوه، نو له افغانستان سره یې د راتلونکو شل اوریزو او پنځوس اوریزو سیالیو لپاره د لوبغاړو نوملړ په ډاګه کړ.

د افغانستان او ویسټ انډیز لوبې به د راتلونکې جون په درېیمه پیل شي.

د ویسټ انډیز کریکټ بورډ مشر کارټني براون ای‌ایف‌پي خبري اژانس ته ویلي، له پاکستان سره د شل اوریزو لوبو د لړۍ تر لوبولو وروسته مو وپتېله چې د لوبغاړو نوملړ پر خپل حال پاتې شي:" موږ درک کړه چې لوبغاړي باید پر خپل ځای پاتې شي، چې روزونکی د ځوانانو لوبغاړو پر وده ډېر کار وکړي."

د ویسټ انډيز او پاکستان ملي لوبډلو ترمنځ د شل اوریزو لوبو لړۍ ۱ پر ۳ پاکستان وګټله.

د ویسټ انډيز لوبډله چې د نړیوالو شل اوریزو لوبو د اتلولۍ تېر جام یې ګټلی وايي، د افغانستان لوبډلې ته په سپکه نه ګوري: " د کارندې لوبډلې په درلودلو سره د بې پروایۍ هیڅ سوال نه پیدا کېږي، هیله مو دا ده چې له هغې لوبډلې لوبه وګټو چې د کریکټ د نړیوالې شورا په ډلبندۍ کې تر موږ شا ته ده."

افغانستان چې نوې راټوکېدونکې لوبډله ده، په نړیوالو لوبو کې ښه ځلېدلې ده.

د ویسټ انډيز او افغانستان لوبدلې وروستی ځل د ۲۰۱۶ کال د شل اوریزو سیالیو په نړیوال جام کې سره مخامخ شوې.

ویسټ انډیز لوبډلې که څه هم نړیوال جام وګاټه خو پر افغان لوبډلې یې یوه لوبه بایللې وه

له افغانستان سره د ویسټ انډیز په راتلونکو لوبو کې به لاندې کسان ولوبېږي:

کارلوس براتوایټ (لوبډلمشر)، سمویل بدري، راسنفارډ، بیټن، ایوین لیویس، جاسون محمد، سونیل نارین، کیرون پولارډ، راومن پاول، مارلن سمیولز، سیمونز، جیرم ټایلر، چادویک ولټن او کیسریک ویلیمز.

افغان لوبډلې هم روانه میاشت له ویسټ انډیز سره د راتلونکو لوبو لپاره د خپلو لوبغاړو نوملړ په ډاګه کړی دی. هغه افغان لوبغاړي، چې له ویسټ انډیز سره د سیالیو لپاره ټاکل شوي دي:

اصغر ستانکزی (لوبډلمشر)، نورعلي ځدراڼ، جاوید احمدي، عثمان غني، رحمت شاه زرمتی، ناصر جمال، محمد نبي عیسی خیل، سمیع الله شینواری، ګلبدین نایب، راشد خان ارمان، شفیق الله شفق، شاپور ځدراڼ، امیره حمزه هوتک، دولت ځدراڼ ، افسر ځاځی او فرید ملک دي.

د ۲۰ اوریزو لوبو لپاره لوبډلمشر اصغر ستانکزی، نورعلي ځدراڼ، جاوید احمدي، عثمان غني، محمد نبي عیسی خیل، سمیع الله شینورای، نجیب ځدراڼ، ګلبدین نایب، راشد خان ارمان، شفیق الله شفق، شاپور ځدراڼ، امیره حمزه هوتک، فرید ملک، دولت ځدراڼ او کریم جنت غوره شوي دي.

اړوندې ليکنې
د مېلمنو ليکنځای