چين: افريقايي هېوادونه بايد په افريقايي چارو کې لارښوونکی رول ولوبوي

د سين هوا اژانس د خبر له مخې،په م م کې د چين دايمي استازي ليو جيه يي د جون په ۱۵مه نېټه وويل چې د افريقايي ټولنې په ګډون سيمه ييز سازمانونه د افريقايي مسئلو د حلولو لپاره ځانګړې تجربې لري.د م م امنيت شورا بايد د افريقا لايحې او نظريې مراعات کړي.

امنيت شورا په همدې ورځ د م م او افريقايي ټولنې ترمنځ د همکارۍ مسئلې د سنجش په اړه يوه غونډه تر سره کړه.ښاغلي ليو جيه يي په خپله وينا کې وويل چې د افريقا يو شمېر سيمې په سياسي،امنيتي او بشري برخو کې لاهم له سختو ننګونو سره مخامخ دي.د بوکو حرام ډلې په ګډون د ترهګريزو ډلو عمليات لاهم افريقايي امنيت ته ګواښونه رسولی شي.

(ليلا)