په افغانستان کې د امريکايي ځواکونو پر اډې د بريد له امله ۱۰ تنو ته مرګ ژوبله واوښته

د چين نړيوالې راډيو د خبر له مخې،په افغانستان کې د وسله والو طالبانو د پسرلنيو بريدونو د رارسېدو سره سره په پروان ولايت کې د امريکايي ځواکونو پر پوځي اډې د بريد له امله ۸ تنه وژل شوي او ۲ تنه نور ټپيان شوي دي.

د خبر له مخې،پر ځايي وخت د جون د ۱۹مې نېټې په شپه ۱۰ افغان امنيتي کسان له ګزمۍ څخه د بګرام اډې ته د بېرته ستنېدو په لار کې له بريد سره مخامخ شوي چې له امله يې ۸ تنه وژل شوي او ۲ تنه نور ټپيان شوي دي.

تر اوسه پورې د بريدګر د هويت په اړه مالومات نه شته او هېڅ کس يا ډلې د دې پېښې پړه پر غاړه نده اخيستې.

(ليلا)