د افغانستان په هلمند کې ځانمرګی بريد شوی

د سينهوا اژانس د خبر له مخې، افغان چارواکي د جون په ۲۲مه نېټه خبري رسنيو ته د دې خبر پخلی وکړ چې په همدې ورځ د هلمند ولايت په مرکز لښکر ګاه کې يو ځانمرګی بريد وشو چې له امله يې لږ تر لږه ۱۵ تنه وژل شوي او ۵۰ تنه نور ټپيان دي.

د هلمند د والي وياند وويل، چې دغه بريد په شاو خوا دوولسو بجو وشو او موخه يې يو ځايي بانک و، ټپيان نژدې روغتون ته ليږدل شوي دي. د مرګ ژوبلې شمېر ښايي نور هم زيات شي.

تر اوسه پورې هيڅ ډلې د دې پېښې پړه پر غاړه نه ده اخيستې.

(ياسمين)