 |
||
 |
||
 |
||
|
||
|
||
|
||
|
||
|
د چين نړيوالې راډيو د خبر له مخې، د پاکستان د خپلواکۍ د ۷۰مې کاليزې د يادونې غونډه د اګست په ۱۴مه نېټه په اسلام اباد کې تر سره شوه. د چين د صدراعظم مرستيال وانګ يانګ په کې ګډون وکړ او يوه وينا يې وکړه.
نوموړي وويل، چې نن ورځ د پاکستان لپاره د خوشحالۍ ورځ ده. ډېر خوشحاله يم او وياړم چې د پاکستاني حکومت په بلنه او د رئيس شي جين پينګ په استازيتوب د چين د پلاوي په مشرۍ په دې غونډه کې ګډون کوم. لومړی د چين د حکومت او خلکو په استازيتوب پاکستانيانو ته نيکې هيلې او مبارکي وايم.
هغه زياته کړه چې چين غواړي له پاکستان سره په هره ساحه کې د ستراتيژيکو همکاريو د پياوړتيا، د اقتصادي همکاريو د نژدې کولو او د کولتوري تګ راتګ د پياوړتيا لپاره کوښښونه وکړي.(غوټۍ)
| © China Radio International.CRI. All Rights Reserved. 16A Shijingshan Road, Beijing, China. 100040 |
