د سينهوا اژانس د خبر له مخې، د چين د دولت رئيس شي جين پينګ د سپتمبر په ۴مه نېټه په شيا من کې د تايلند له صدراعظم پرايوس چان وچا سره وکتل چې هغه د نويو سمسور شويو هېوادونو او پرمختيايي هېوادونو ترمنځ د ډيالوګ لپاره چين ته راغلی دی.
شي جين پينګ وويل، د چين او تايلند ترمنځ اړيکې ټينګې دي، چين د دې درناوی کوي چې تايلند د خپل دولتي وضعيت سره سم د پرمختګ لار غوره کړې او په نړيوالو او سيمه ييزو چارو کې لا مهم رول لوبولی دی. چين د يو کمربند او يوې لارې په ابادۍ کې د تايلند د فعال ګډون ستاينه کوي او هيله لري چې له تايلند سره د پانګونې، اوسپنيزو لارو او انټرنيټي پولي چارو، ډيجيټالي اقتصاد، الکترونيکې سوداګرۍ او له ترهګرۍ سره د مبارزې په برخو کې همکاري پياوړې کړي.
پرايوس چان وچاوويل، تايلند هيله لري چې له چين سره لوړ پوړي تګ راتګ وساتي، دوه اړخيزې او څواړخيزې همکاري ژورې کړي او د خلکو د تګ راتګ، ښونې، علمي څېړنو او د بنسټيزو تاسيساتو په برخو کې له چين سره همکاري پياوړې کړي.
دواړه مشران له کتنې وروسته د ستراتيژيکې همکارۍ عملي پلان او همکاريزو تړونونو د لاسليک شاهدان وو.
© China Radio International.CRI. All Rights Reserved. 16A Shijingshan Road, Beijing, China. 100040 |