د چين د نيوز اژانس د خبر له مخې، د امريکا د بهرنيو چارو وزير ريکس ټيليرسون د اکتوبر په ۳مه نېټه د يوې اعلاميې په خپرولو سره وويل، چې امريکا د کيوبا له حکومت څخه غوښتنه کړې چې په واشنګټن کې د کيوبا د سفارت ۱۵ ډيپلوماتان له امريکا څخه وباسي. لامل يې دا دی چې د نامعلوم بريد له امله په کيوبا کې د امريکا په سفارت کې د ځينو ډيپلوماتانو روغتيا ښه نه ده.
نوموړي وويل، څرنګه چې د کيوبا حکومت د ويانا تعهد نامې له مخې د امريکايي ډيپلوماتانو د امنيت د ساتلو لپاره لازم تدبيرونه نه دي نيولي، نو د امريکا د دغې کړنې موخه د ډيپلوماتيکې برابرۍ ساتل دي.
د امريکا د بهرنيو چارو وزارت لوړ پوړي چارواکي د اکتوبر په ۳مه نېټه په يوه ټلېفوني ناسته کې وويل، چې د اکتوبر تر ۲مې نېټې پورې په هاوانا کې د ۲۲ امريکايي ډيپلوماتانو روغتيا ښه نه وه.
د معلوماتو له مخې، په هاوانا کې د امريکا ډيپلوماتان به د روانې اوونۍ له پای مخکې ووځي، د دې ترڅنګ امريکا له کيوبا څخه غوښتنه کړې چې ياد ۱۵ ډيپلوماتان په راتلونکو ۷ ورځو کې وروغواړي.
د کيوبا حکومت څرګنده کړې چې د دې پېښې پلټنه روانه ده. امريکا به د کيوبا له حکومت سره مرسته وکړي او خپله پلټنه به هم تر سره کړي.
وزير ټيليرسون زياته کړه چې امريکا به له کيوبا سره رسمي اړيکې ټينګې وساتي.(غوټۍ)
© China Radio International.CRI. All Rights Reserved. 16A Shijingshan Road, Beijing, China. 100040 |