د سين هوا اژانس د خبر له مخې، د چين د انساني سرچينې او ټولنيز ضمانت وزارت مرستيال تانګ تاو د اکتوبر په اتمه نيټه د مهارتونو د ۴۴مې نړيوالې سيالۍ په هڅونکې غونډه کې وويل د چين ۵۲ لوبغاړي به د دې سيالۍ په ۴۷ بېلا بېلو برخو کې ولوبېږي.
ښاغلي تانګ وويل، د مهارتونو ۴۴مه نړيواله سيالي به د اکتوبر له ۱۴مې نېټې څخه تر ۱۹مې نېټې پورې د عربي متحده اماراتو په پلازمينه ابوظبۍ کې ترسره شي. د مهارتونو د نړيوال سازمان د ۶۸ غړو هېوادونو او سيمو ۱۲۶۰ لوبغاړي به په دې سيالۍ کې ګډون وکړي. چين د څلورم ځل لپاره په دې نړيواله سيالۍ کې ګډون کوي. (هيله)
