 |
||
 |
||
 |
||
|
||
|
||
|
||
|
||
|
د سين هوا اژانس د خبر له مخې، د چين کمونېست ګوند د مرکزي کمېټې عمومي منشي، د دولت رئيس او د مرکزي نظامي کمېټې مشر شي جين پينګ د اکتوبر د ۲۶مې نيټې تر غرمې وروسته په بېجينګ کې د پوځي مشرانو او افسرانو يوه غونډه جوړه کړه او يوه مهمه وينا يې وکړه. ښاغلي شي جين پينګ پر دې ټينګار وکړ چې د چين ځانګړتيا لرونکی سوسياليزم، دفاعي چارې او پوځي ابادي نوې زمانې ته ننوتلي دي. د خلکو پوځ بايد خپلې دندې په ياد ولري، په جدي توګه دې د ګوند د ۱۹م ملي کانګرس اړوندې روحيې او په نوې زمانه کې د پوځ د ځواکمنتيا په اړه ګوندي افکار زده کړي، د پوځي ابادۍ په اړه د چين پر ځانګړتيا لرونکې لارې دې ټينګار وکړي، د دفاعي چارو او پوځي سيستم عصري بهير دې پرمخ بوزي، په نوې زمانه کې د خپل پوځ د ځواکمنتيا په اړه ګوندي موخې ته د رسېدو، د روانې پېړۍ تر نيمايي پورې په نړۍ کې د لومړۍ کچې پياوړي پوځ د ابادۍ او د چيني ملت د سترې سمسورتيا په اړه د چيني خوب د تر سره کولو لپاره دې نه ستومانه کېدونکي کوښښونه وکړي.
د چين کمونېست ګوند د مرکزي کمېټې د سياسي بيورو غړو او د مرکزي نظامي کمېټې مرستيالانو جنرالانو شو چي ليانګ، جانګ يو شيا او فان چانګ لونګ په ياده غونډه کې ګډون کړی و او په اړوندو موضوعاتو يې خبرې يې وکړې.
( سپوږمۍ)
| © China Radio International.CRI. All Rights Reserved. 16A Shijingshan Road, Beijing, China. 100040 |
