د لبنان ولسمشر پر سعودي عربستان نيوکه کړې چې د دې هېواد صدراعظم سعد حريري يې نيولی دی

د سينهوا اژانس د خبر له مخې د لبنان ولسمشر ميشال عون د روانې مياشتې په ١٥مه نېټه وويل چې  د لبنان صدراعظم سعد حريري بېرته خپل وطن ته نه دی راستون شوی ، لامل يې دا دی چې هغه د سعودي عربستان له خوا نيول شوی دی.

نوموړي په همدې ورځ په ټويټر کې ليکلی چې تر اوسه پورې حريري لبنان ته نه دی راستون شوی،نو زما په اند هغه د سعودي عربستان له خوا نيول شوی دی چې دا له اړوند نړيوال قانون څخه سرغړونه ده.

د روانې مياشتې په څلورمه نېټه د لبنان صدراعظم سعد حريري له خپلې دندې څخه  استعفا اعلان وکړه او تر هغه وروسته لبنان ته نه دی ستون شوی، نو عامه افکار ګومان کوي چې هغه د سعودي عربستان له خوا نيول شوی دی.