په نايجريا کې ځانمرګي بريد ۵۰ تنه وژلي دي.

د چين نړيوالې راډيو د نايجريا پوليسو په قول د دې خبر پخلی وکړ چې د دغه هېواد په شمال اداماوا ايالت کې د نومبر د ۲۱مې نيټې په سهار کې ځانمرګي بمي بريد وشو چې له امله يې کابو ۵۰ تنه وژل شوي دي.

د اداماوا ايالت د پوليسو ادارې مطبوعاتي وياند څرګنده کړه چې د دغه بريد له امله ۵۰ تنه وژل شوي او د ټپيانو شمېر لا تر اوسه معلوم نه دی.

د معلوماتو له مخې، ۱۷ کلن بريدګر پر ځايي وخت د ۲۱ مې نيټې د سهار په شاوخوا ۵ بجو کامرون ته نژدې په ۱۰ کيلومترۍ کې د نايجريا د يوې علاقه دارۍ په يو جومات کې په ځان پورې تړلي چاودېدونکي توکي وچاوول.

( سپوږمۍ)