د سوريې مخالفو ډلو په سعودي عربستان کې د خپلو دريځونو همغږي وکړه.

د سين هوا اژانس د خبر له مخې، د سوريې بېلا بېلو مخالفو ډلو د نومبر په ۲۲مه نيټه د سعودي عربستان په رياض کې يوه غونډه جوړه کړه او د سوريې مسئلې د نوې دورې خبرو اترو لپاره يې د خپلو دريځونو همغږي وکړه. په همدې ورځ د روسيې ولسمشر پوټين، د ترکيې ولسمشر اردوغان او د ايران ولسمشر روحاني د روسيې په جنوب سوچي ښار کې سره خبرې وکړې. دريواړو خواوو د سوريې مسئلې د وروستي پرمختګ او د حل لارو چارو په شمول د يو لړ مسئلو په اړه د نظريو تبادله وکړه او يوه ګډه اعلاميه يې خپره کړه.

د سعودي عربستان په رياض کې د سوريې د مختلفو مخالفو ډلو ترمنځ غونډه د م م د سرمنشي د ځانګړي استازي ستافن ده ميستورا او د سعودي عربستان د خارجه وزير عادل الجوبير په ګډه مشري شوه.

ده ميستورا څرګنده کړه چې د دغې غونډې موخه د بېلا بېلو مخالفو ډلو لخوا د يو واحد پلاوي جوړول دي چې په راتلونکې اوونۍ کې به په ژنيو کې د سوريې په خبرو اترو کې ګډون وکړي.

( سپوږمۍ)