 |
||
 |
||
 |
||
|
||
|
||
|
||
|
||
|
د سين هوااژانس د خبر له مخې، د سوريې مسئلې په هکله د م م د سرمنشي د ځانګړي استازي مرستيال رمزي يزيلدين رمزي د نومبر په ۲۵مه نېټه د سوريې په پلازمينه دمشق کې وويل د سوريې مسئلې په هکله د نوې دورې د ژنيو په خبرو اترو کې به په عمده توګه د اساسي قانون او د ټولټاکنو په هکله سلامشورې تر سره شي.
رمزي په همدې ورځ يوه مطبوعاتي غونډه کې وويل د نوې دورې خبرې اترې به لا هم د ملي يووالي حکومت، د اساسي قانون د تعديل، د بيا ټولټاکنې او د ترهګرۍ ضد د مبارزې په هکله بحث وشي او په عمده توګه د اساسي قانون او د بيا ټاکنو په هکله سلامشورې به وشي. هغه وويل د سوريې سياسي بهير پيچيلي او ستونزمن دی. هېله ده چې د سوريې حکومت په فعاله توګه د نوې دورې په خبرو اترو کې ګډون وکړي او مخالفې ډلې يو پلاوي جوړ کړي چې په خبرو اترو کې به برخمن وي.
ژباړونکې:ډيوه
| © China Radio International.CRI. All Rights Reserved. 16A Shijingshan Road, Beijing, China. 100040 |
