د سينهوا اژانس د خبر له مخې، د امريکا د جيالوژيکي کشف ادارې د زلزلې اطلاعاتي شبکې خبر ورکړی چې د دسمبر د لومړۍ نېټې د سهار په شپږو بجو او دوه دېرشو دقيقو د ايران په جنوب ختيځ کې د کرمان ښار په شمال ختيځه سيمه کې چې له دغه ښار څخه اته پنځوس کيلومتره واټن لري، د ريکتار د شپږو درجو په سختوالي زلزله وشوه. د دغې زلزلې د سرچينې ژوروالی تر ځمکې لاندې لس کيلومتره و.
د سږ کال د نومبر په دوولسمه نېټه د عراق او ايران په سرحدي سيمه کې د ريکتار د اووه اعشاريه درېو درجو په سختوالي زلزله شوې وه چې له امله يې په ايران کې څه باندې ۴۷۰ کسان وژل شوي وو، څه د پاسه ۹۰۰۰ تنه نور ټپيان شوي وو او د اقتصاد مستقيم زيانونه ۴۵۰ مليونو امريکايي ډالرو ته رسېدلي وو.(غوټۍ)
© China Radio International.CRI. All Rights Reserved. 16A Shijingshan Road, Beijing, China. 100040 |