د سياسي چارو په برخه کې د م م د سرمنشي مرستيال به شمالي کوريا ته سفر وکړي.

د سينهوا اژانس د خبر له مخې، م م د دسمبر په ۴ مه نېټه اعلان وکړ چې د سياسي چارو په برخه کې د م م د سرمنشي مرستيال جفري فيلتمن به د دسمبر له ۵ مې نېټې څخه تر ۸ مې نېټې پورې شمالي کوريا ته سفر وکړي او د شمالي کوريا له مامورينو سره د ګډې انديښنې مسائلو په اړه به خبرې اترې وکړي.

د م م د سرمنشي وياند سټفانې ډوجاريک په همدې ورځ په خبري ناسته کې وويل، چې په دې ترڅ کې به فيلتمن د م م پلاوي او ډيپلوماتانو سره کتنه وکړي او د م م له دفتر څخه کتنه وکړي. هغه زياته کړه، چې د فيلتمن سفر به ټول په پينګ يونګ کې تر سره شي.

(مينه)