په پاکستان کې د يوې بېړۍ د ډوبېدو له امله پنځلس تنه مړه شوي

د سينهوا اژانس د خبر له مخې د روانې مياشتې په اوومه نېټه د پاکستان د سند ايالت په ساحلي سيمه کې د يوې بېړۍ د ډوبېدو له امله لږ تر لږه پنځلس تنه مړه او شاوخوا شل تنه نور ژغورل شوي دي.

پاکستاني خبري رسنيو خبر ور کړ چې د ياد ايالت د ځايي پوليسو په وينا په دې بېړۍ کې پنځوس تنه سپاره وو چې  غوښتل يې چې په يوه ټاپو کې په يوه مذهبي فعاليت کې ګډون وکړي .

تر دې پېښې وروسته ځايي پوليسو،ژغورونکو او خلکو د پېښې په ځای کې د ژغورنې کارونه تر سره کړي چې تر اوسه پورې  د ژغورنې کارونه لاهم روان دي. (غاټول)