يانګ جې چه د امريکا د بهرنيو تګلارو کونسل له پلاوي سره وکتل

د سينهوا اژانس د خبر له مخې، د چين کمونېست ګوند د مرکزي کميټې د سياسي بيورو غړی او د دولتي شورا غړی يانګ جې چه د دسمبر په ۱۲مه نېټه په بېجينګ کې د امريکا د بهرنيو چارو تګلارو کونسل له پلاوي سره وکتل.

يانګ جې چه وويل، چې د چين او امريکا ترمنځ د اړيکو دايمي سالم او ثابت پرمختګ د دواړو هېوادونو له اصلي ګټو سره سمون لري او د نړيوالې ټولنې عامه هيله ده. دواړه خواوې بايد متقابل درناوی وکړي، خپلمنځي همکاري دې ژوره کړي او توپيرونه دې په مناسبه توګه حل کړي.

د امريکا پلاوي وويل، چې امريکا له چين سره په زياتو برخو کې ګډې ګټې او موخې لري، امريکا غواړي چې له چين سره د دواړو خواوو ترمنځ د اړيکو د لا ټينګوالي لپاره کوښښونه وکړي.

دواړو خواوو د کوريا ټاپووزمې مسئلې په هکله د نظريو تبادلې هم وکړې.

(ياسمين)