په راتلونکې کې چين کې به ۵.۸ مليونه کوډلې اصلاح شي

د چين د اقتصاد ورځپاڼې د خبر له مخې، د دسمبر په ۲۳مه نېټه په چين کې د کورونو او د ښارونو او ولسواليو د جوړونې په اړه يوه کاري غونډه ترسره شوه. د کورونو او د ښارونو او ولسواليو د جوړولو وزير وانګ منګ هوی وويل،چين به په ۲۰۱۸ کال کې د کورونو نظام اصلاحات لا ژور کړي او په عين وخت کې به د کوډليو سيمو د اصلاح کارونه پرمخبيايي چې په ۲۰۱۸ کال کې به ۵.۸ مليونه کوډلې اصلاح شي.

نوموړي وويل چين به په دوامداره توګه د غيرمنقولو شتمنيو بازار د ثابت پرمختګ د هڅولو لپاره يو لړ اغېزمن تدبيرونه ونيسي. (هيله)