د بریتانیا د صدراعظمې ماڼۍ ویاند د روانې میاشتې په ۲۶مه نیټه دا خبر رد کړ چې دغه هیواد به له اروپایي ټولنې څخه له وتلو وروسته د اروپا د ګمرکاتو په اتحادیه کې ګډون وکړي. نو ویل کیږي چې د بریتانیا هغه ژمنه نه ده بدله شوې چې په عین وخت کې به د اروپا د ګمرکاتو له اتحادیه او ګډ بازار څخه ووځي.
نوموړي ویاند د سین هوا اژانس خبریال ته وویل چې بریتانیا هیله لري چې د نړۍ له نورو اقتصادي ګروپونو سره د ازاد تجارت تړونونه لاسلیک کړي.
د اروپا د ګمرکاتو اتحادیه د اروپایي ټولنې د غړیو ترمنځ د ازاد تجارت بنسټ دی چې پر نورو هیوادونو باندی یو شان ګمرکات اجرا کوي.
---زلمی
© China Radio International.CRI. All Rights Reserved. 16A Shijingshan Road, Beijing, China. 100040 |