چين به په ۲۰۱۸ کال کې د فضانوردۍ د توغولو ۳۶ دندې تر سره کړي

د چين د ولسي سياسي مشورتي کنفرانس د ملي کميټې غړي او د فضايي تکنالوژۍ ګروپ د ليږدوونکو راکټونو د څيړنيز مرکز مشر لي هونګ د مارچ په ۵مه نېټه د سي ار ای خبريال ته وويل، چې د پلان له مخې، سږ کال به د چانګ جنګ په نوم ليږدوونکي راکټونه د توغولو ۳۶ دندې تر سره کړي چې دا شمېر به نوی رکارډ جوړ کړي. هغه دا هم وويل، ښايي په شانګهای کې د لومړي ځل لپاره د توغولو دنده تر سره شي.