د چين د پولي بازار دروازه به نوره خلاصه شي

د روانې مياشتې په نهمه نېټه د چين د ۱۳مې دورې ملي کانګرس د لومړۍ غونډې په مطبوعاتي مرکز کې د پولي اصلاحاتو او پرمختګ په هکله يوه خبري ناسته تر سره شوه.د چين د مرکزي بانک مسئول اړوندو پوښتنو ته په ځواب کې وويل چې د چين د پولي بازار دروازه به نوره هم خلاصه شي.

د چين د ولسي بانک مشر جو شياو چوان وويل چې نوي پرمختيايی پړاو ته تر داخلېدو وروسته به د چين د پولي بازار دروازه نوره خلاصه شي .په چين کې بهرنيو پولي اورګانونو ته د پولي چارو د پيلولو د اجازې ور کولو ترڅنګ د چين پولي اورګانونه هم نورو هېوادونو ته داخل شوي دي.

د چين مرکزي بانک مرستيال ايي ګانګ وويل چې بهرني پولي اورګانونه که چين ته داخل شي يا په چين کې خپلې چارې پيل کړي،بايد تر قانونی نظارت لاندې وي.(غاټول)