 |
||
 |
||
 |
||
|
||
|
||
|
||
|
||
|
د چين نړيوالې راډيو د خبر له مخې، د مارچ په ۱۱مه نېټه د چين د ۱۳مې دورې ملي ولسي کانګرس د لومړۍ غونډې په اړه درېيمه عمومي ناسته تر سره شوه، چې پکې د اساسي قانون د تعديل نامې مسوده په زياتو رايو تصويب شوه.
د چين د ملي ولسي کانګرس استازي جنګ شياو سونګ له خبريال سره د مرکې په وخت کې وويل، د يادې مسودې په اړه د بحث او مشورې په بهير کې ډيموکراسي په پوره توګه استعمال شوې او د کمونېست ګوند پرلارښوونې، د خلکو پر پرېکړو او له قانون سره سم پر حکومتوالۍ د ټينګار کولو عملي تمرين ترسره شوی دی، چې دا د چين د ځانګړتيا لرونکي ډيموکراسۍ د سياسي وړتيا څرګندونه هم ده.
جنګ شياو سونګ خپلو خبرو کې دې ته اشاره وکړه چې د اساسي قانون تعديل، ددې قانون د تطبيق لپاره دی.
د چين د کمونېست ګوند په نولسم ملي کانګرس کې ټاکل شوې مفکورې او مهمې تګلارې، په تېره بيا په نوې زمانه کې د چين ځانګړتيا لرونکي سوسياليستي نظريې په اساسي قانون کې شاملول د چين د ځانګړتيا لرونکي سوسياليزم د ټينګولو او ابادولو لپاره د اساسي قانون ځواکمن ضمانت برابروي او ستر اهميت لري. (هيله)
| © China Radio International.CRI. All Rights Reserved. 16A Shijingshan Road, Beijing, China. 100040 |
