د سينهوا اژانس د خبر له مخې، د مارچ په نولسمه نېټه بريتانيا له اروپايي ټولنې نه د دغه هېواد د وتلو د انتقالي مودې مسوده خپره کړه او اعلان يې وکړ چې دواړه خواوې د دغې مسودې د زياترو مادو په اړه موافقې ته رسيدلې دي، ښايي دغه مسوده د اروپايي ټولنې د پسرلي په سرمشريزه غونډه کې تصويب شي.
له اروپايي ټولنې نه د بريتانيا د وتلو د بحث په اړه د اروپايي ټولنې استازي ميچيل بارنير او د بريتانيا مسئول داويس په همدې ورځ په بروکسيل کې د نوموړې مسودې د خپرېدو په ناسته کې ګډون وکړ.بارنير دغه مسوده د پرېکړې ارزښت لرونکی ګام وباله . داويس وويل چې اروپايي ټولنه او بريتانيا هغه تړون ته ډېرې نږدې دي چې د دواړو خواوو لپاره د منلو وړ وي.(زرينه)
© China Radio International.CRI. All Rights Reserved. 16A Shijingshan Road, Beijing, China. 100040 |