د امريکا د بهرنيو چارو وزارت: امريکا به د کوريا ديموکراتيک ولسي جمهوريت له مشر سره د خبرو اترو لپاره چمتوالي ته دوام ورکړي

د سينهوا اژانس د خبر له مخې، د امريکا د بهرنيو چارو وزارت وياندې هېسر ناورت د مې په ۱۵مه نېټه وويل، امريکا به په سينګاپور کې د امريکا او د کوريا ديموکراتيک ولسي جمهوريت د مشرانو ترمنځ د خبرو اترو د تر سره کولو لپاره چمتوالي ته دوام ورکړي.

د کوريا ديموکراتيک ولسي جمهوريت مرکزي اژانس په ځايي وخت په ۱۶مه نېټه سهار په يو راپور کې د کوريا جمهوريت او امريکا پر لوی پوځي تمرين نيوکه وکړه او پرېکړه يې وکړه چې د کوريا ديموکراتيک ولسي جمهوريت او د کوريا حمهوريت ترمنځ لوړ پوړې خبرې اترې وځنډولې چې ټاکل شوې وه په ۱۶مه نېټه تر سره شي. ده وويل چې امريکا بايد په جدي توګه فکر وکړي چې ايا د کوريا ديموکراتيک ولسي جمهوريت او امريکا د مشرانو خبرې اترې تر سره کړي که نه.

په دې اړه ناورت په مطبوعاتي غونډه کې وويل، امريکا به د دواړو هېوادونو د مشرانو ليدنې لپاره پوره چمتوالی ونيسي او باور لري چې د دواړو خواوو ترمنځ خبرې اترې پرمختيا ومومي.

په همدې ورځ د سپينې ماڼۍ وياند ساراح ساندرس هم په يوه اعلاميه کې وويل چې امريکا به د کوريا ديموکراتيک ولسي جمهوريت رويې ته پاملرنه وکړي او له ملګرو سره نژدې همکارۍ به وکړي.

(فرشته)