د نايجريا د مرکزي لوړې ايالت په څو کليو کې بريدونو څه باندې ۲۰۰ تنه وژلي دي.

د سين هوا اژانس د خبر له مخې، د نايجريا د لوړې ايالت پارلماني غړي پيتر ګيدنګ د جون په ۲۷مه نېټه څرګنده کړه چې د روانې مياشتې د ۲۳مې نېټې په شپه د دغه ايالت ۱۱ کلي د اورپکو له بريدونو سره مخامخ شول. تر اوسه پورې د دغو بريدونو له امله د قربانيانو شمېر له ۲۰۰ تنو څخه اوښتی او ښايي دغه شمېر لا نور هم زيات شي.

د خبر له مخې، د سختې مرګ ژوبلې تر څنګ د دغو بريدونو له امله يو شمېر کورونه او موټرونه هم ويجاړ شوي دي.

( سپوږمۍ)