 |
||
 |
||
 |
||
|
||
|
||
|
||
|
||
|
د سينهوا اژانس د خبر له مخې د روسيې ولسمشر مطبوعاتي سکريتر دميتري پيسکوف د روانې مياشتې په دوهمه نېټه وويل چې دا حقيقت دی چې روسيې له امريکا سره سياسي تماسونه پياوړې کړي دي، خو د دواړو هېوادونو ترمنځ د اړيکو پر ښه کېدو بحثونه لاهم وختي دی.
پيسکوف دغه څرګندونې په همدې ورځ له روسيې څخه د امريکا د پارلماني غړو د ليدنې د يادونې په ترڅ کې وکړې.د امريکا د پارلماني غړو پلاوي د جون په ۳۰مه نېټه روسيې ته ورسيد او له دې هېواد څخه يې هم پنځه ورځنۍ ليدنه پيل کړه .د اتارتاس خبري اژانس خبر ور کړ چې دغه ليدنه د روسيې او امريکا د مشرانو ترمنځ د ملاقات د چمتوالي لپاره روانه ده.
پيسکوف وويل چې اوس د دواړو هېوادونو ترمنځ د اړيکو پر ښه کېدو بحثونه لاهم وختي دي ، ځکه توپيرونه يې ډېر دي ، خو د لوړ پوړي ډيالوګ له لحاظه سياسي اداره د پاملرنې وړ ده.
د دې ترڅنګ هغه پر دې ټينګار وکړ چې کريميا د روسيې يوه نه جلاکېدونکې برخه ده ، نو دا شونتيا نه شته چې د کريميا مسئله تر بحث لاندې و نيول شي .(غاټول)
| © China Radio International.CRI. All Rights Reserved. 16A Shijingshan Road, Beijing, China. 100040 |
