د پيسو نړيوال صندوق خبردای ور کړ چې ښايي د امريکا د ماليي هڅونکې تګلاره په دغه هېواد کې د پيسو د پړسوب او د نړيوال بازار د بدلون لامل شي

د سينهوا خبري اژانس د خبر له مخې د پيسو نړيوال صندوق د جولای په ۳مه نېټه خبرداري ور کړ چې ښايي په امريکا کې د مالياتو کمښت او د حکومتي لګښتونو د ډېرېدو په اړه د ماليې هڅونګې تګلاره د پيسو د پړسوب د ننګونې لامل ښی او د امريکايي ډالرو ګټه به لوړه شي چې له امله به يې د پيسو په نړيوال بازار کې ډېر بدلونونه رامنځته شي.

نوموړي صندوق په همدې ورځ په يوه راپور کې وويل چې ښايي په اوسني اقتصادي پړاو کې د امريکا مالي کسر ډېرو له امله د دغه هېواد او بهرني پولي بازارونو کې ډېر بدلونونه رامنځته شي او هغه نوي سمسور بازارونه چې عمومي اقتصادي وضعيت يې کمزوری دی، له يادو بازارونو څخه د نړيوالو پانګو د وتلو له ننګونې سره مخ شي.

د امريکا د ماليو هڅونکې تګلاره به د دغه هېواد د عامه پورونو وضعيت د خرابېدو لامل شي او د بنسټيزو تاسيساتو د پانګونې په شمول به د تموېلوونکو له خوا د اصلاحاتو لپاره پيسې کمې شي چې له امله به يې نړيوال اقتصادي نابرابري لا نوره هم سخته شي.(غاټول)