د سينهوا اژانس د خبر له مخې د فرانسې د دفاع وزارت د جولای په څلورمه نېټه يو تازه راپور خپور کړ چې له مخې يې په ۲۰۱۵ او ۲۰۱۶ کالونو کې د دې هېواد د پوځي سوداګرۍ د صادراتو ارزښت په پر له پسې ډېرېدو وروسته دغه ارزښت تېر کال شپږ مليارډه نهه سوه مليونه يورو ته رسيدلی چې دغه شمېره د وړم کال د ورته مودې په پرتله پنځوس سلنه کم شوی دی
د ۲۰۱۸ کال لپاره د فرانسوي وسلو صادرولو د راپور له مخې تېر کال د ياد هېواد د پوځي وسايلو د صادراتو ارزښت د کمېدو درې مهم لاملونه دي چې لومړی په همدې کال کې په فرانسه کې د ولسمشرۍ ټاکنې تر سره شوې، نو د پېچلي وضيعت پر وړاندې ځينو فرانسوي پوځي سوداګرو خپله سوداګري وځنډوله. دويم دا چې تېر کال د نفتو ډېرو توليدونکو هېوادونو کې اقتصادي وده سوکه شوې وه چې له امله يې ځينو هېوادونو د وسلو اخيستلو لپاره خپل پلانونه خنډولي وو. درېيم دا چې ځينې نوي لاسليک شوي تړونونه په دې راپور کې نه دي شامل چې په ۲۰۱۸ کال کې به نافذ شي.(غاټول)
© China Radio International.CRI. All Rights Reserved. 16A Shijingshan Road, Beijing, China. 100040 |