د چين او پاکستان لومړی ځمکنی کيبل فعال شو

د جولای په ۱۳ مه نېټه د پاکستان په پلازمينه اسلام اباد کې د چين او پاکستان د اقتصادي دهليز مهمه پروژه يعنې د چين او پاکستان لومړنی ځمکنی کيبل په رسمي توګه پرانيستل شو.

د پاکستان سرپرست صدراعظم ناصر ملک د دغه کيبل په پرانيستونکو مراسمو کې د خپلې وينا پر مهال وويل، چې دغه کيبل د پاکستان او ګاونډيو هېوادونو ترمنځ لاسرسي او ډيجيټلي اقتصادي ودې لپاره ګټور دی. د چين او پاکستان اقتصادي دهليز د جنوبي اسيا خلکو ته ګډه وده رامنځته کړې او له لاسته راوړنو څخه به يې د نړۍ له نيمايي نه ډېر نفوس برخمن شي.

د چين او پاکستان ځمکنی کيبل له ارومچي ښار نه د خونجرب بندر له لارې د پاکستان راولپنډۍ ښار ته غځېدلی او ټول اوږدوالی يې ۲۹۵۰ کيلومتره دی.