 |
||
 |
||
 |
||
|
||
|
||
|
||
|
||
|
د سين هوا اژانس د خبر له مخې، اروپايي کميسيون د جولای په ۱۸مه نېټه اعلان وکړ چې پر ځينو فولادي او اوسپنيزو وارداتو به د لنډمهالي ساتنې تدبير ونيسي.
اروپايي کميسيون په همدې ورځ د يوې اعلاميې په خپرولو سره وويل، د امريکا د ګمرکي تعرفو لوړولو تګلارې له امله به اروپايي ټولنې ته د نورو هېوادونو د فولادي او اوسپنيزو توليداتو د واردولو د مخنيوي لپاره ياد تدبير د جولای په ۱۹مه نېټه نافذ شي، خو عنعنوي فولادي او اوسپنيز توکي په دې برخه کې شامل نه دي.
په اعلاميه کې راغلي، د لنډمهالي ساتنې تدبير د ۲۳ ډولونو په فولادي او اوسپنيزو توليداتو پورې اړه لري او د تعرفو ونډې به ترسره شي. که د دغو ۲۳ ډولونو فولادي او اوسپنيزو توليداتو وارداتي اندازه د تېرو ۳ کلونو له منځنۍ اندازې نه زياته شي، نو پر دغو وارداتو تعرفې به ۲۵ سلنه شي. دغو وارداتو ته د تعرفو ونډې په نوبتي توګه ورکول کېږي. (هيله)
| © China Radio International.CRI. All Rights Reserved. 16A Shijingshan Road, Beijing, China. 100040 |
