 |
||
 |
||
 |
||
|
||
|
||
|
||
|
||
|
د سين هوا اژانس د خبر له مخې، د روسيې د بهرنيو چارو وزارت وياندې ماريازکرووا د اګست په ۲۷مه نېټه وويل، امريکا په بريتانيا کې د روسيې د پخواني جاسوسي د مسموميت پېښې له امله پر روسيې د نوې دورې بنديزونه لګولي، دغه راز د اوسنيو مسئلو په هکله د دواړو هېوادونو ترمنځ تبادلې لا پيچلې شوې او د دواړو خواوو ترمنځ د ديالوګ لپاره ګټورې نه دي.
نوموړې وويل، د امريکا د بنديزونو موخه د نړيوالو وسلو د کنټرول او د نه خپرېدا سيسټم ويجاړول دي او پکې د کيمياوي وسلو د بنديز حکم هم شامل دی. هغې پر دې ټينګار وکړ چې روسيې تل خپله دنده پر غاړه اخيستې او خپلې کيمياوي وسلې يې پاکې کړې دي.
د يو بل خبر له مخې، د روسيې د ولسمشر سکريټر دميتری پيسکوف د اګست په ۲۷مه نېټه وويل، د کريملين ماڼۍ به د امريکا د بنديزونو د نتيجې، اغېزې او ور سره د مقابلې د تدبيرونو په اړه څېړنې وکړي. هغه د ولسمشر پوتين په قول وويل، په دې حال کې چې امريکا نادوستانه تدبيرونه نيولي، روسيه به د خپل هېواد له ګټو سره سم اړوند تدبيرونه ونيسي. (هيله)
| © China Radio International.CRI. All Rights Reserved. 16A Shijingshan Road, Beijing, China. 100040 |
