د اګست په ۲۲ مه نېټه د امریکا د واښو رېبلو ماشین شرکت مشر میچیل کیرسي د ګواهي اوریدلو په هغه غونډه کې چې د امریکا حکومت به د ۲۰۰ ملیارډه امریکایي ډالرو په ارزښت د چین پر تولیداتو زیات ګمرکي مالیات ولګوي، داسی خبرې وکړې چې که د چین له خوا پر جوړو شویو د واښو رېبلو ماشینونو زیات ګمرکي مالیات لګول د امریکا له صنعت یا کار موندلو سره مرسته وبلل شي، نو هغه کیسه به هم باوري وي چې یو موټر یو سپی تر ټایر لاندی کړ خو د دغه سپي د ژغورنې لپاره یې موټر بیا شا ته وګرځاوه چې دا ډېر مزخرف او ناوړه عمل دی.
د اګست له ۲۰ مې نېټې نه تر ۲۷ مې نېټې پورې د امریکا د تجارت استازي دفتر د ۳۰۱ پلټنې نومي نتیجې سره سم د ګواهي اوریدلو غونډه جوړه کړه او د امریکا پر هغې تګلارې یې خبرې وکړې غواړي د چین پر ځینو تولیداتو زیات ګمرکي مالیات ولګوي. ښاغلي کیرسي د ډيرو برخه والو په استازیتوب له حکومت څخه غوښتنه وکړه چې سنجیده پریکړه وکړي. د هغو کسانو لپاره چې د نړیوال اقتصادي پرمختګ او ازاد تجارت ته ډېرې پاملرنې کوي، دغه څو ورځنۍ غونډه ناهیلي او مایوسه ده.
لومړی، په دې غونډه کې د تولیداتو د برابرولو لړۍ د بدلون شونتیا ته ډېرې پاملرنې ورکړل شوې دي چې هیڅ ازرښت نه لري.
دوهم، لږو امریکایي تصدیو د یادې غونډې له لارې پر خپلو سیالانو فشارونه اچولي چې دا له بازاري اصل څخه سرغړونه ده.
د دې ترڅنګ امریکا د تجارت نړیوال سازمان د عمده بنسټ ایښودونکي په توګه ژمنه کړې چې په زغم سره به ۳۰۱مه ماده وکاروي. خو اوس امریکا د خپل کورني قانون له مخې د تجارت محدودیت تدبیرونه نیولي او بله خوا یې پر چین نیوکه وکړه چې د ۵۰ ملیارډه ډالرو په ارزښت د امریکا پر تولیداتو د ګمرکي مالیاتو د زیاتې تعرفې لګولو په اړه د چین متقابل تدبیر غیرقانوني دی. په عین وخت کې به امریکا د ۲۰۰ ملیارډه ډالرو په ارزښت د چین پر تولیداتو زیات ګمرکي مالیات ولګوي.
اوس د ګواهي اوریدلو یاده غونډه پای ته رسیدلې ده. که دغه ځل امریکا بیا هم هغه مزخرفه لار ونیسي نو ښايي امریکایي تصديو او مشتریانو ته ناهیلي او مایوسي ورسوي.
© China Radio International.CRI. All Rights Reserved. 16A Shijingshan Road, Beijing, China. 100040 |